Chapter 40

“Good morning!” masayang bati sa akin ni Art at sinuklian ko iyon ng ngiti. “Aba, mukhang maganda ang gising natin.”

Nilapag ko ang gamit sa table at bumaling sa kanya. “I had a great time last night.”

Ferry and Castiel got totally drunk last night. Napangatawanan ko naman ang sinabi ko na hindi ako magpapakalasing. Aside from two glass of wine, puro juice at pagkain lang ang nilantakan ko.

Habang ang dalawa kong kaibigan ang tumodo ng inom. Maliban sa nauna nilang in-order na isang bote ng brandy at tatlong bucket ng beer, nagpahabol pa sila ng apat pang bucket kaya naman halos nahirapan akong isakay sila sa sasakyan.

At dahil siguradong gagabihin na ako ay hindi na ako nag-abalang ihatid sila sa mga bahay nila. Dineretso ko sila sa bahay ko at hinayaang matulog sa kwarto.

Bilang kabayaran sa pagpapahirap nila sa akin kagabi, sinabihan ko sila kanina bago ako umalis ng bahay na samahan muna si Millie.

“Ibig sabihin ay tama lang na pinauwi ka ni Sir Enver kahapon,” aniya. “Iba kasi an