Kabanata 27

Nagsisimula pa lamang ang laro ngunit pakiramdam ni Lera ay panalo na siya nang makita ang pagkagulat sa mukha ni Lucas.

Malinaw pa ang mata ni Lucas subalit tila nais niya nang magpatingin sa espesyalista. Hindi niya akalaing si Lera ang nasa kan'yang harapan. Ang ina ng kan'yang anak, ang bago niyang estudyante.

Pinakiusapan siya bilang substitute instructor ng kan'yang kapatid na si Zeus sa unibersidad na tinuturuan nito ng part time. Hindi niya matanggihan ang kapatid dahil maselan ang pagbubuntis ng asawa nito at kailangan na nasa tabi ito. Sa tatlong taon na lumipas, siya na lamang ang bukod tanging walang asawa sa kanilang magkakapatid. 

Kun'di lamang sana ...

"Sir?"

Ang kan'yang sarili ay nanumbalik sa ulirat nang matamis na ngumiti sa kan'ya ni Lera, na animo'y walang kahit anumang nangyari sa kanila sa nakaraan. Para ba'ng hindi niya inilayo ang anak dito.

"Yes? I mean you may take a seat Miss Santilan."

Hindi niya alam