Kabanata 35

Nakangiting pinagmamasdan ni Lera ang larawan nila ng anak na kinuhanan niya kahapon. Kapwa sila masaya doon.

"Dahil masaya ka, may sulat ka." 

Tila nakapaskil na sa labi niya ang ngiti nang bumaling siya kay Maris.

Kinuha niya ang sulat at binuksan iyon. Court hearing laban sa kasong isinampa niya kay Samuel.

"Oo nga pala." Nakaligtaan niya na ito dahil sa pagiging abala sa anak. 

"Tumawag din nga pala si attorney kanina. Nagpadala daw siya ng imbitasyon kay Lucas para maging witness kaso mukhang walang balak um-attend ang lalaking iyon."

Sa halip na sumimangot ay mas lalong lumawak ang ngiti sa labi ni Lera. Minsan lang umayon ang tadhana sa kan'ya ngunit nilulubos-lubos naman nito.

Isang ideya ang pumasok sa kan'yang isipan upang mapigilan ang pagbalik ni Lucas at Arim sa America.

"Sir Lucas, court hearing na sa susunod na araw. Pwede ka ba'ng magbigay ng statement laban kay Samuel? Dalawang beses mo naman akong in