Kabanata 39

Wala sa plano ni Lera ang sumama kay Lucas hanggang sa Sta. Ignacia. Kung naroon ang anak ay baka natuwa pa siya, ngunit nasa condo unit ito kung saan nila iniwan.

Hindi niya na mabilang kung ilang ulit siyang umirap nang hindi pansinin ng lalaki ang pakiusap niyang bababa na. Halos dumiin na din ang kan'yang mga kuko sa upuan dahil sa bilis at walang ingat na pagmamaneho nito.

"Hello Tito Esteban, I need police assistance around the mansion."

Mabilis siyang napabaling sa katabi nang marinig ang sinabi nito. Labis siyang nagtaka kung bakit kailangan nito ng mga pulis.

Ipapahuli ba siya nito? Para saan?

Bago niya pa man maibigkas ang mga katanungan ay kaagad din itong nasagot nang huminto sila hindi kalayuan sa tapat ng mansyon ng pamilya Valle. Sa labas ay puno ng mga magsasakang mayroong hawak na mga karatola.

Nakasulat doon ang mga hinaing nila sa hindi makatarungang pagtanggal sa kanila sa trabaho at ang pagbebenta ng mga lupang sakahan u