Kabanata 43

Pinaikot ni Lera ang pulang likido sa hawak niyang babasaging kopita bago ito ininom. Gustong-gusto niya ang lasa ng wine na gawa sa grapes na pangunahing produkto ng kompanyang iniwan ng kan'yang dating amo. 

"Hindi ko talaga makakalimutan ang pamumutla ng mukha ni Ginang Juana nang ipakilala kita sa kanila." Umalingawngaw ang malutong na tawa ni Maris nang banggitin niya ang nangyari kanina.

Matapos siyang ipakilala bilang may-ari ng YGC ay tila nawalan nang gana ang ginang na makipag-usap sa kanila. Umalis din ito kaagad.

"Lucas was also shocked," komento ni Peter.

"Sa tingin mo hihingi pa kaya sila ng tulong?"

Imbes na si Lera ang sumagot ay si Peter ang nagsalita.

"I think so. Madaming utang si Ginang Juana. She has a reputation in Sta. Ignacia too, hindi niya hahayaan na masira iyon."

Tipid na napangiti si Lera. Kahit pumayag man ang mga Valle sa alok niyang tulong ay wala pa rin kasiguraduhan kung mananatili sa bansa si Lu