Kabanata 40

"Paano tayo nabaon sa utang?"

Halos umalingawngaw ang boses ni Lucas sa buong mansyon. Umabot iyon sa pandinig ni Lera na iniwan niya sa salas upang kausapin ang ina sa opisina nito.

Nagtungo si Ginang Juana sa pintuan upang isara iyon. Minasahe niya ang kamay upang pakalmahin ang sarili. Hindi siya sanay na mamoblema sa pera dahil simula pa noon ay sagana ang pamumuhay nila.

"I supported a political party last election in exchange of endorsement and connections. Unfortunately, natalo sila. Marami akong nailabas na pera pati ang mga lupain natin ay naisanla ko sa mga negosyante."

Nakapameywang na tumigil si Lucas sa paglalakad nang pabalik-balik sa harapan ng ina. Mas lalong lumalim ang pagkakakunot ng kan'yang noo at umigting ang kan'yang panga. Naiinis siya sa ginawa ng ina, gayunpaman ay nais niya pa din malaman kung bakit naisipan nitong itaya ang ari-arian na pamana sa kanila ng ama.

"Paano nangyari 'yon? Hindi ba nanalo naman si Tito Est