Kabanata 38

Isang mapusok na halik ang dumampi sa mga labi ni Lera nang dumagan sa kan'ya si Lucas.

Ito ang kan'yang pangalawang halik mula sa parehong lalaki na una't huling umangkin sa kan'ya.

Kusang naghiwalay ang kan'yang mga labi dahilan upang tuluyan nang maangkin ng lalaki ang bawat sulok ng kan'yang bibig. Halos kalahating oras na simula nang matapos silang uminom ngunit nalalasahan niya pa din ang alak mula dito.

Ang tagpong iyon ay nagpanumbalik sa alaala ng gabing pinagsaluhan nila ni Lucas, kung saan nabuo si Arim.

Itinulak niya ang lalaki bago pa man siya madala sa sensasyon na ipinapadama nito sa kan'ya.

Mula sa kan'yang ibabaw ay napahiga ito sa kan'yang tabi. Hindi na ito nagpumilit pa'ng bumangon at tuluyan na nga'ng nilamon ng kalasingan.

Mabilis na umupo si Lera sa malambot na kama ni Lucas. Mariin siyang pumikit nang makaramdam ng pagkahilo. Sa wari niya'y mas lalo siyang nalasing sa halik na pinagsaluhan nila.

Sa kabila n