31 - Mandy

Noong pinasok ko 'to, ang tanging gusto ko lang ay maoperahan ang kapatid ko. Wala sa isip ko ang manira ng relasyon. Oo nga at sinabi ni Sir na walang sila ni Ma'am Nheya, pero hindi ko maiwasang sisihin ang sarili ko nang makita ko ang hinanakit at sakit sa mata ni Ma'am Nheya.

Gaya nang nakita ko sa mga mata ni Yunard, ganoon rin ang nakita ko sa mata ni Ma'am Nheya. Nasasaktan sila at alam kong dahil iyon sa akin.

"Hindi iyon ang tinatanong ko, Gillian," napapikit ako nang marinig siyang tinawag ang pangalan ko. Ngayon lang niya ako tinawag ng ganoon at hindi ko maitago ang kaba ko.

Tumayo siya at lumapit sa akin. Simula noong bumalik siya pagkatapos kausapin si Ma'am Nheya ay wala na akong lakas para magtanong tungkol roon. Na gi-guilty ako lalo na sa sinabi ni Ma'am Nheya.

"Sir, may sasabihin sana ako," inunahan ko na siya sa sasabihin. Kanina ko pa pinag-iisipan na sabihin ang totoo.

Dahil sa sinabi ni Ma'am Nheya bigla akong kinabahan. Paano kapag nalaman ni Sir na pinada