32 - Paano

Tulala ako habang nag-uusap sila Joy. Hindi maalis sa isip ko ang biglaan niyang pag-alis nang makatanggap ng tawag sa nag ngangalang Mandy. Sino ba siya? Bakit nagmamadali si Sir?

"Anong nangyare? Anong ginawa niya sa'yo?" seryosong tanong ni Yunard kaya napasulyap sila Joy sa amin.

"Huh? Wala nagtanong lang siya," mabilis na sambit ko.

"Grabe si Sir kanina, lalakeng lalake siya. Kinilabutan ako nang magsalita siya. Ang hot ni Sir magalit," biglang sabi ni Mira sabay tawa.

"Sinabi mo pa. Ibang-iba siya kanina. Ngayon ko lang nakita yung ganoong side sa kanya."

"That's the true him. Sigurado ako roon," biglang sambit ni Lheny sabay subo ng pagkain. "Bibilisan ko na. Mag half day lang ako ngayon, parating yung kaibigan ko galing Paris," dugtong niya sabay sulyap sa akin.

"Lalake?" ngiting asong tanong ni Mira, isang batok tuloy ang natanggap niya galing kay Joy

"Para kang uhaw sa lalake, girl," sabay irap ni Joy

"Babae," tipid na sambit ni Nheya.

"Sayang, akala ko lalake," saba