Kabanata 24

"Stacey, tara na sa gymnasium, nandoon daw si Love at naglalaro sila ng mga kaibigan niya. Puntahan natin, dali." Nagmamadaling-aya ni Ciashet sa kaibigan niyang si Stacey.

Lunch break nila ngayon at gaya ng palaging ginagawa ni Cia, kaagad niyang inalam ang schedule ngayon ni Ken. At heto nga, nalaman niyang may practice game pala ito ngayon sa gym kasama ang mga kaibigan niya.

Hindi pinahalata ni Stacey ang pagkainis niya sa babae. Tumalikod ito nang kaunti kay Cia para hindi nito mapansin ang pag-irap niya. Kaagad ding inayos ni Stacey ang mukha niya para magmukha siyang interesado sa gustong mangyari ni Ciashet.

"Wait lang," ngumiti pa siya sa kausap. "Maaabutan naman natin siya."

"Bilis na, Staceeeey." Hinila na niya ang braso ni Stacey para sumama na ito roon sa gym. Wala naman na siyang nagawa kundi ang sumunod na lang kahit na labag pa ito sa kalooban niya.

"Ibibigay ko na sa kaniya mamaya ‘yong explosion box na ginawa ko, Stacey. Pinaghirapan ko talaga 'yon nang ilang ar