Kabanata 34

“ANG AGA namang pa-surprise nito, King,” pang-aasar pa ni Lawrence kay Ken. Maaga kasi siyang kinontak ng kaibigan para magpatulong na ipaghanda ng breakfast si Ciashet kahit pa nga mag-aalas-onse na ng umaga.

“Baka naman puwede ko muna itong tikman bago ko ihatid sa itaas, King?” tanong pang muli ng kaibigan saka akmang kukuha ng pagkaing naiayos na sa breakfast tray. Hindi naman nito naituloy ang akmang pagtikim nang maramdaman niya ang matalim na tingin sa kaniya ng kaniyang kaibigan.

“Parang tanga naman ito, hindi mabiro,” nakaismid pang sabi niya. Binitbit na niya ang tray paakyat sa unit ni Ciashet. Si Ken naman ay nakasunod lang sa kaniya.

“Buksan mo ang pinto,” utos pa ni Ken sa kaniya habang iniaabot sa kaniya ang key card ng unit ni Ciashet.

“Kita mo nang may hawak akong—” hindi na rin natuloy ang pagrereklamo niya nang samaan na naman siya ng tingin nito.

“Magpasalamat ka at mas malakas ka sa akin, King, dahil kung hindi ay makakatikim ka ng suntok na hindi mo pa natit