CHAPTER FORTY-FIVE [PART 2]

GABREEL'S POV

"May alam ka ba dito, Gab?" 

Bahagya akong tumango. Muli ay binalot na naman ako ng hiya at konsensiya dahil nagawa kong itago 'yon sa kanila, gusto ko lang naman kasi na huwag na silang mag-alala. 

"Lo, kasi..." 

"Si Sir Gab ho? Opo, Sir, kasama nga po namin siya noon sa paghahanap at no'ng hinuli na namin 'yong si Sebastian, eh." 

"Sebastian? Sino si Sebastian?"

"Ah, yes, Sir. Iyang nasa folder po 'yong dumukot sa kaniya noon. Iyang Sebastian po na stalker ng babae. Sa pag-iimbestiga po kasi namin noon ay nalaman naming stalker nga siya ng babae, lalo na noong mapasok namin ang kwarto nito na punong-puno ng litrato ng babae. Mukhang nabaliw po talaga sa pag-ibig, Sir," mahabang kwento ng pulis. Nakagat ko ang labi ko sa sobrang bilis ng tibok ng puso ko.

"Oh? Anong nangyari sa kaniya? Bakit siya na nama