Chapter Eighty-Five

Olivia

Nagising ako dahil sa tapik ni Lloyd sa balikat ko. Naroon na raw kami sa pupuntahan namin. Pagdilat na pagdilat ko pa lang ng mata ko, kaagad akong humanap ng salamin.

Baka kasi masayang ang ayos ko dahil lang sa naka-idlip ako habang nasa biyahe.

"Natatakot ka bang pumangit ka sa paningin ko?" mapang-asar na sambit ni Lloyd habang ginagarahe ang sasakyan niya.

"Alam mo, kakagising ko lang. Kung ayaw mong mag-commute ako pabalik at iwan kita dito, mas mabuti pang tumahimik ka na lang muna." Iritableng sambit ko sa kaniya sabay irap ng aking mga mata.

"Ito naman! Masyado ka kasing seryoso!"

"Kakagising ko lang, Lloyd! Gusto mo nang mag-gagohan tayo rito?"

"Sabi ko nga tatahimik na lang muna ako."

Hindi na ako nagsalita pa. Natapos na rin naman siya sa pag-garahe ng kotse niya kaya dali-dali siyang bumaba at umikot patungo sa pintuan ng kotse sa tabi ko, at saka pinagbuksan ako ng pinto.

Kinuha ko lamang ang bag ko, at saka bumaba na rin. Nginingitian pa niya ako pero sinungitan