Chapter One Hundred Two

Olivia

Para akong binuhusan ng bagong kulong tubig dahil sa nakita ko. Mabilis na nanlambot ang mga tuhod ko, dahilan para mapaluhod ako.

Nang mapansin ni Matthew iyon ay kaagad niya akong nilapitan at tumambad sa kaniya ang nakatatanda niyang kapatid na may katabing ibang babae sa kama. Kapwa ito walang mga suot na pang-itaas at tanging puting kumot lamang ang nagtataklob sa kanilang dalawa.

Pinipit kong tumayo ngunit hindi ko nagawa dahil tila hinigop nila ang natitira kong lakas.

Habang mahimbing ang tulog ng asawa ko at nang babae niya, ako naman ay walang imik na umiyak habang nakasalampak sa sahig. Hindi ko maiwasang tingnan sa mata si Matthew habang pinipilit niyang itayo ako. Kitang-kita ko sa mata niya ang awa niya sa akin, pero alam kong alam niya na wala naman siyang magagawa.

"Let's go, Olivia! Let's get out of here!" Saad niya habang inaalalayan akong tumayo.

Hindi ako nagsalita. Hinayaan kong kontrolin ako ni Matthew. Hinayaan kong itayo niya ako at ilabas mula sa kwarto