Chapter Seventy-Two

Lloyd

"Magpapakamatay ka ba?" sigaw ko matapos lumabas mula sa kotse ko.

Nang lapitan ko 'yong naka-bisikleta ay patayo na siya. Naka-alalay ang kaniyang kamay sa bike na hawak niya. Napansin kong nasira ang gulong ng bike kaya't nagmadali akong kunin ang wallet ko para kumuha ng pera.

"Hey! Take this money. Buy a new bike or buy your own road! Sa susunod, huwag ka dito sa highway dahil maaga kang makakaakyat sa langit dahil diyan sa ginagawa mo!"

Hindi ko na hinintay pa ang sasabihin niya. I gave him twenty thousand bago ako tumalikod sa kanya at bumalik sa loob nang sasakyan ko. Nang i-start ko ang engine ko'y nakita kong nakatingin pa rin siya sa gawi kung nasaan ang driver's seat.

Alam kong hindi niya ako nakikita dahil tinted ang kotse ko pero siya ay nakikita ko mula sa labas at nakatingin siya sa akin. Bago ako tuluyang umalis ay binusinahan ko pa siya.

Siguro naman ay sapat na ang binigay kong pera sa kaniya. Suwerte nga siya at nagbigay pa ako kahit na siya ang may kasalanan!