Chapter Seventy-Eight

Lloyd

Dumating na galit na galit ang daddy ni Olivia sa ospital. Pareho kaming tumiklop ni Matthew nang kausapin niya kami nang masinsinan.

"Alam mo, Matthew? Pinagkatiwala ko sa iyo ang anak ko, hindi ba? Nangako ka pa sa akin na poprotektahan mo siya pero anong nangyari, ha?" mainit ang ulo na sigaw ng daddy ni Olivia.

Nasa labas kami ng kuwarto ni Olivia habang kinakausap kami habang si Alex naman ang bantay sa mahimbing na natutulog na si Olivia.

"Sorry po, Tito! Hindi ko naman po ginusto ang nangyari sa kanya, 'eh!" Katuwiran ni Matthew.

Nakatungo lamang siya't hindi makatingin nang diretso kay Daddy Oliver. Nahihiya siguro.

Akala ko'y si Matthew lang ang pagbabalingan ng sisi ngunit nagkamali ako dahil ilang sandali lang ay ako naman ang pinagsalitaan nang kung ano-ano habang diretso ang tingin sa akin.

"Isa ka pa, Lloyd! Ipinagkatiwala ko siya sa iyo, hindi ba? Pumayag akong ipakasal siya sa'yo kahit na alam kong masasaktan ang anak ko. Kahit na alam kong ikadudurog niya ang m