Chapter Eighty-One

Olivia

Daddy and I decided na pumunta sa mansiyon ng pamilya Montero. Buo na kasi ang loob ni daddy na kausapin ng personal ang kaibigan niyang si Richard tungkol sa amin ni Lloyd.

Noong una'y hindi ako sumang-ayon. Naguguluhan rin kasi ako at kinakabahan na rin pero sabi ni daddy, hindi raw niya ako bibigoin. Kung ano man daw ang maging resulta ng mapag-uusapan ay malugod niya iyong tatanggapin.

Nang dumating kami sa bahay ng mga Montero, sinalubong kami ni Yaya Tessy.

"Ma'am Olivia! Mabuti naman po at nakabalik na kayo." Bungad sa amin ni Yaya Tessy na may hawak pang floor mop.

"Nandiyan ba si Richard? Nandiyan ba ang amo mo?" Deretsong sambit ni daddy.

"Wala po dito si Don Richard. Maaga po silang umalis para puntahan 'yong bago nilang negosyo."

"Bagong negosyo?" magkasalubong ang dalawang kilay na tanong ni daddy.

"Opo, Sir Oliver. Pinuntahan po nila 'yong resort na ibinenta kay Don Richard."

"Sinong kasama niya, Yaya Tessy?" tanong ko naman.

"Iyong magkapatid po. Pinag-drive po s