Chapter Eighty-Two

Lloyd

That was a tiring day. Dapat ay hindi na ako sumama sa meeting na 'yon dahil palagi namang si Matthew ang nakikita ni daddy. Ang kapal talaga nang lalaking 'yon. Porket sa kaniya ipinangalan 'yong resort, nagmamayabang na.

Makikita niya. Papatunayan kong mas magaling ako sa kaniya.

Kahit hindi maganda ang simula ng araw ko, may maganda pa ring nangyari. Nang magpasya ako na umuwi na lang at magpahatid kay Zander, pagpasok ko sa kwarto ko ay tumambad sa akin si Olivia.

Talagang natuwa ang puso ko nang makita ko siya. Hindi ko akalaing pupunta siya ngayon.

Dahil nakita ko na naman siyang umiiyak, ginusto kong pasayahin siya kahit panahon pa ni kopong-kopong at sinaunang panahon pa ang joke ko. Basta ang importante, masaya siya. Gusto ko lang makitang muli ang matamis na ngiti niya.

"So, ano 'yang joke na 'yan? Siguraduhin mo lang na matutuwa ako diyan, ha? Siguraduhin mong nakakatawa 'yan." Sambit niya habang nakataas pa ang isang kilay.

"Ito na! Ang excited mo naman."

Upang mas m