Chapter Seventy-Five

Lloyd

"Lloyd, kakausapin ka raw nang doktor!" bungad ni Alex sa akin pagkalabas na pagkalabas ko pa lang ng nurse station.

"Nasaan siya?"

"Nasa kabila. Nagra-rounds ng mga pasyente. Puntahan mo na lang raw siya doon-"

Hindi ko na siya pinatapos pa sa pagsasalita. Bagkus ay dumiretso na ako kaagad sa doktor.

Pagpasok ko naman sa sinasabing kabilang kwarto ni Alex ay nakita ko ngang nandoon si doc. Kumatok lamang ako at sinenyasan niya ako na maghintay lamang dito sa labas hanggang sa matapos niyang kausapin 'yong isang pasyente sa katabing kuwarto kung saan ipinasok si Olivia.

Ilang minuto rin akong naghintay at pagkalabas niya nang kuwarto ay tumayo na rin ako at humarap sa kaniya.

"How's my wife, Doc? Is she okay?" I asked.

Mabilis ang tibok ng puso ko noong mga oras na 'yon. Habang nakaharap ako kay Doc ay sobrang lakas ng kabog sa dibdib ko. Ewan ko ba! Iba ang pakiramdam ko ngayon. Tama lang naman sigurong mag-alala ako kay Olivia dahil at the end of the day, asawa ko pa rin naman