Chapter Thirteen

Olivia

Nasa sasakyan pa lang ay iniisip ko na kung anong gagawin ko pagkauwi ng bahay. Ibang-iba na kasi ang buhay ko ngayon sa buhay na nakasanayan ko. Basta maraming nagbago.

Tulad na lang sa paglalaba. Kung dati, ako pa ang naglalaba ng underwear ko, ngayon ay hindi na nila ako hinahayaang gawin iyon. Maging sa paglilinis at iba pang magagaan na trabaho ay hindi rin nila ako hinahayaang gawin iyon.

Wala na tuloy akong ibang ginawa kung hindi ang humiga, tumayo, maglakad, maupo at kung ano-ano pang pwede kong mapaglibangan. Ultimo nga ang bilangin ang mga bulaklak na nasa garden ay ginawa ko na, 'e para lang ubusin ang oras ko.

Pero kahit ganito na ang buhay ko, sobrang namimiss ko na ang buhay ko noon. Lalong-lalo na si Daddy. Kahit naman kasi malaki ang nagawa niyang kasalanan, hindi ko pa rin maiwasang mag-alala sa kaniya.

Kamusta na kaya si Daddy ngayon? Wala na kasi akong ibang ginawa kung hindi ang takasan siya. Ewan ko ba. Pero pakira