SIY-22

KINABUKASAN ay nagising si Anna na ang laman ng isipan ay ang bagay na napagpasyahan niya kagabi. Buo na ang loob niya at hindi na siya uurong pa. Ngunit sa pagbaling niya sa katabing higaan ay wala naroon si Brett.

‘Siguro nasa kitchen siya!’ Ang nasabi ng isipan niya.

Napabuntonghininga si Anna. Hindi bale, pupuntahan niya ito ngayon.

Nangangalay man ang mga tuhod at sa nananakit niyang katawan ay dahan-dahan siyang bumangon gamit ang kumot na siyang nakatakip sa hubad niyang katawan, upang silipin muna ang anak sa crib nito.

Subalit paglapit ni Anna sa crib ay wala na roon ang anak niya.

"Siguro dinala ni Brett sa kitchen," pag-kumbinse niya sa sarili.

Binalingan niya ang wall clock, pasado alas syete na ng umaga. Wala silang pasok ngayon ni Brett dahil araw ng sabado. Siguro nga dinala ng lalaki ang bata sa kitchen. Isinawalang bahala na muna ni Anna ang tungkol kay Brave dahil alam naman niya na hindi pababayaan ni Brett ang bata. Nagpasya na muna siyang pumasok sa banyo at mali