CHAPTER 45- TRAVELLING TO CEBU

Magmula noong malaman ko na ako si Gabriella, nagsimula na rin akong mag-imagine kung paano ang magiging reaction ko kapag nagkita na kaming muli ni Tita Ariella. Hindi ko rin mapigilan ang sarili kong isipin kung ano ang magiging reaksiyon kapag nagkasama na kaming muli.

She is my mom. My real mom. Lahat ng sinabi ko noong minsang nag-road trip at beach trip kami sa Siargao, lahat ng iyon ay natatandaan ko. Sinabi niya na napakasuwerte ng mga magulang ko sa akin. Kapag nagkita kaya kaming dalawa, masasabi kaya niya sa kaniyang sarili na suwerte siya?

“What are you thinking?” tanong ni Jacob habang nasa biyahe kami patungo sa hotel na pag-aari niya. Kagaya ng dati, sa chopper ulit kami sasakay.

Sinabi ko sa kaniya na puwede naman kaming mag-eroplano nalang. Ang kaso, sabi niya, matatagalan lang daw kami sa ganoon. Mas magiging mabilis ang biyahe namin kung sa private chopper na pag-aari niya kami sasakay.

Pagpasok namin sa hotel, nakahilera ang mga staff at sabay-sabay ang mga ito na