TCC #31 Intimate (Part 1)

“Celine!”

Umikot ang mga mata ni Celine nang makita niya si Dustin. Papalapit ito sa kaniya. Hindi niya ito pinansin at itinuloy ang kaniyang paglalakad pabalik sa kanilang bahay. Naihatid na niya si Ronan si kanila. Nadatnan nila roon sina Mang Tonying na nag-iimpake. Mukhang sasama na ang mga ito kay Ronan papunta sa Manila.

“Celine,” mahinang sambit ni Dustin habang hinahabol niya ito.

Ngumuso si Celine at nagkibit-balikat. Napagod na si Dustin sa kakahabol sa kaniya kaya sumigaw na lang ito.

“CELINE MAHAL NA MAHAL KITA! SORRY! SORRY IF I HURT THAT BADASS!”

Umiling lang si Celine at diretsong naglakad pauwi. Hinabol pa rin siya ni Dustin hanggang sa makarating na rin siya sa kubo. Lumipas ang ilang oras na hindi nagkikibuan at nag-uusap ang mag-asawa. Magtatanghalian na. Nagsimula nang magluto ng kinalamyasang isda si Dustin. Si Celine naman ay nagse-cellphone sa kanilang silid. Nakikipag-chikahan siya kina Freya at Celestine.

Tinawagan ni Dustin si Celine para kumain ng lunch. Wal