CHAPTER 20

Kinuha ko ang aking dating laptop na nakatago sa pinakailalim ng drawer ko at sinubukang i-open. Napangiti ako dahil gumana pa naman ito. Bago ko ito inabandona ay tinanggalan ko muna ng password kaya naman mas mabilis ko lang siyang nabuksan.

Agad akong pumunta sa Gmail at sinuri ang mga dati kong account. Namiss ko ang mga panahong wala akong ibang ginawa kundi ang tumunganga sa laptop na ito at magtipa ng mensahe para kay Greel.

Dati kasi ay mas nag-e-enjoy akong mag-open ng social medias dito kumpara sa cellphone. Tsaka mas magpalitan ng mensahe sa Gmail kaysa sa social media accounts lalo pa at nauso rin ang hacking ng account ng mga celebrity noon.

Napahinto ako sa pag-i-scroll nang may mamataan akong message galing sa kay Greel. Napakurap-kurap ako at kinapa ang aking dibdib dahil sa lakas at bilis ng tibok nito. Napalunok pa ako. Wala akong maalalang iniwan kong unread messages galing kay Greel. Lahat ay nabasa ko at halos paulit-ulit pa nga ba