Chapter 14: Missing

Yannie Ace Ruiz

“Hindi ko talaga siya ma-search sa akin,” wika ni Jenny habang abala sa pagkalikot sa cellphone niya.

“Sa akin din eh. Siguro nag-deactivate siya ng social media account niya,” saad naman ni Ivory.

“Baka nga,” ani Veron saka ito bumalin ng tingin sa akin. “Try mo na kasi siyang tawagan sa cellphone number niya kung hindi siya sumasagot sa mga text mo,” wika nito sa akin.

Napasinghap ako kasunod ng pagkagat ko sa ibabang labi ko. Tatlong araw na mula nang tumigil sa pagkausap sa akin si Josh. Hindi siya sumasagot sa mga text message ko at nag-deactivate din siya ng social media account niya. Hindi ko tuloy alam kung paano ko sasabihin sa kanya na napag-isipan ko nang pumunta sa gathering ng fandom ng 4SBLUE sa darating na sabado, at makipagkita sa kanya.

Wala naman na talaga akong balak na magbago pa ng isip no’n, pero nang sabihin ko kina Veron ang tungkol doon ay pinilit na nila ako na magpunta. Sa totoo lang, gusto ko din naman talagang magpunta at makipagkita sa kan