Chapter 22

Aleya's POV

Wala akong nagawa kundi ang tanggapin ang trabahong muling maging bodyguard ni Enrique. Kahit ano kasi ang gawing kong dahilan ay hindi tinanggap ni Ninong lalo pa at si Mr. Erman Villareal na mismo ang nakiusap sa akin ng personal para maging bodyguard ulit ni Enrique. Magiging unprofessional daw ako kapag tinanggihan ko ang trabahong ito. Sa lahat ng pinakaayaw ko ay iyong niloloko ako at sinasabihang unprofessional kaya para hindi maging totoo ang sinabi ni Ninong ay no choice ako kundi tanggapin ang trabaho. Kaya heto ako't nagmamaneho papunta sa bahay ng mga Villareal dala ang aking maleta na may laman na mga gamit ko. Hindi ko alam kung anong klaseng pakikitungo ang gagawin ko kay Enrique ngunit susubukan kong maging professional lamang ang aming pag-uusap.

Kilala na ng mga guwardiya ang kotse ko kaya nang makarating ako sa tapat ng bahay nila Enrique ay hindi na ako nagbusina pa dahil kusang binuksan ng mga guwardiya ang gate para maipasok ko sa garahe ang kotse ko.