Chapter 40

Aleya's Pov

Naramdaman kong huminto sa sa gilid ng kama kung saan banda ako nakahiga ang yabag ng taong pangahas na pumasok sa loob ng aking silid. Naramdaman kong tinitigan ako ng taong nasa tabi ko bago dahan-dahan nitong kinuha ang unan na nasa aking tabi. Sa ginawa niyang ito ay napagtanto ko na masamang tao ang narito sa loob ng aking silid. At kung sino man siya ay balak niya akong patayin.

Pabigla kong iminulat ang aking mga mata. At kasabay ng pagmulat ng aking mata ay ang tangkang pagtakip ng unan sa aking mukha ng taong ito. Ngunit mabilis akong nakagulong papunta sa kabilang side ng kama kaya sa unan ko tumama ang unan na ipantatakip sana niya sa aking mukha. Kasabay ng pagharap ko sa taong nakasuot ng itim na bonnet sa mukha ay isang malakas na suntok ang pinakawalan ko sa kanyang tagiliran. Natumba sa sahig ang naka-bonnet na pangahas kaya sinamantala ko ang pagkakataong iyon para tuluyang makabangon at makababa sa kama.

Mabilis na nakabangon ang pangahas na intruder at h