CHAPTER 40: Private Place

Nagising si Melody sa isang hindi pamilyar na kuwarto. Malaki at malawak ang hinihigaan niyang kama. Nang bumangon ay doon niya lamang nakita na wala na si Apollo sa tabi niya. Kaagad siyang nilukob ng takot.

Hindi niya matukoy kung totoo ba ang nangyari kagabi o panaginip lang ang lahat? Nang tumayo siya ay nakita niyang nakasuot na rin siya ng pantulog. Seems like after that happened ay hindi na sila nagkaroon pa ng oras ni Apollo na magkasalo muli rito sa higaan.

Iyon lamang ang natatandaan niya. Ang parteng nasa swimming pool sila. Hindi na niya maalala pa ang mga sumunod na nangyari. Napasabunot siya sa kaniyang buhok.

“Bakit ba kasi halos nagpakalasing ako?”

Ilang sandali pa ay napapitlag siya nang biglang may kumatok sa pintuan. Tumingin siya sa pinto at sa cabinet. Naghahanap siya ng puwesto kung saan siya puwedeng magtago. Hindi niya talaga kasi alam kung nasaan siya.

Mabilis siyang tumakbo at binuksan ang malaking cabinet na kahoy at pinagsisikan ang kaniyang sarili sa loob.