CHAPTER 52: Sinigang Na Itlog

Umuwi sila nang araw na ’yon na para bang walang nangyari, ngunit ang katawang lupa ni Melody ay pagod na pagod. Halos hindi na nga pala niya namalayan na nakatulog pala siya sa tapat ng computer niya at binuhat lamang siya ni Apollo papasok ng opisina.

Nang gabi naman na ’yon ay magkausap si Apollo at Epifanio. Hindi na siya nag-abala pang pakinggan ang mga ito dahil sa antok at pagod na nararamdaman. Sigurado naman siya na tungkol lamang ito sa natuklasan nilang CCTV.

Kinabukasan, pagkabangon na pagkabangon pa lamang ni Melody mula sa higaan ay dumiretso kaagad siya sa comfort room upang sumuka. Naalimpungatan naman si Apollo dahil sa paulit-ulit na pagduduwal ni Melody nang umaga na ’yon. Kaya naman bumangon din siya at pinuntahan ito.

“What happened?” tanong niya rito habang singkit pa ang kaniyang mga mata at hinihimas ang likod nito. “May nakain ka bang sira na?”

Hindi naman makapagsalita si Melody at patuloy lamang na dumuduwal. Alam din kasi niya kung bakit. Nasa stage na siya