CHAPTER 53: Innocent Victim

Nasa harap na sila ng hapag kainan at ang ngiti ni Melody ay abot hanggang sa tenga, habang si Apollo naman ay napupuno ng tensyon. Habang nagluluto kasi siya kanina ay tinikman na niya ang lasa nito. Hindi pasok sa kaniyang panlasa.

“Yey! Mapaparami ang kain ko nito!” excited na sambit ni Melody habang hawak na ang kutsara at tinidor.

Napatingin naman si Apollo kay Milandro na nakatayo malapit sa kaniya. Alam din nito ang lasa at halos maubo pa nga ito. Natatakot tuloy siyang baka hindi rin magustuhan ni Melody at mas worst ay baka masira pa ang tiyan nito.

Nagsimula na itong humigop ng sabaw saka hinati at kinain ang isang itlog. Napalunok si Apollo. Kitang-kita niya ang pagtigil ni Melody sa pagkain. Mukhang hindi yata nito nagustuhan.

“Hmm. . . Ang sarap! Ang sarap, love! This is the best!” nakangiting sigaw nito.

Napakunot ng noo si Apollo saka muling napasulyap ng tingin kay Milandro na ngayon ay nanlalaki ang mga mata dahil sa gulat katulad niya. Napatikim tuloy bigla si Apollo