CHAPTER 83 EL NIDO

Nang makarating sina Reed sa El Nido, halos manlumo siya sa nakita. Halos naging abo ang property niya.

Sa underground ng Villa sila dumeritso, kitang-kita niya sa CCTV footage ang nangyari sa resort at sa Villa niya.

Isang notorious gang sa lugar ang tumira sa resort at sa Villa niya. Mabuti at hindi na pinsala ang underground niya sa ilalim ng villa.

Kilala niya ang Gang na tumira sa property niya kaya sa araw din na iyon, pinuntahan nila ang hideout ng mga ito.

Banas na banas siya sa mga ito kaya walang takot na ipinarada niya sa harap ng hideout ng mga ito ang kanyang sasakyan.

Nabigla naman ang mga miyembro ng Gang kaya hindi agad nakahuma sa biglaang pagdating nila.

Bumaba sina Reed at ang mga tauhan niya. Tatlong sasakyan ang dala nila ngunit ang isang sasakyan ay nasa di kalayuan. Limang sniper ang kasama nila na ngayon ay nakabantay na sa kanila.

"Pogi Gang! Nagkita muli tayo." Malamig na sabi niya habang iginala ang mga mata sa paligid at isa-isang tinitigan ng masama