Chapter 36

Tiim-bagang na binalingan ni Alejandro ng tingin si Sophia at saka bahagyang lumayo sa babae. Kasabay no’n ay tiningnan niya si Klaire sa kanilang harapan. Tahimik na nakatayo si Klaire habang tinitingnan ang dokumentong pinirmahan nilang pareho, na para bang wala lang sa kaniya na malapit si Sophia sa kaniya ngayon.

Lingid sa kaalaman niya na masama na ang timpla ng emosyon ni Klaire sa loob-loob nito, ngunit matalino ang babae para hindi iyon ipakita sa kaniya, lalo na kay Sophia. Nang marinig niya kung paano banggitin ng babae ang pangalan ng dating asawa ay parang may kung ano’ng sama ng loob siyang nararamdaman. Puno ng pagmamahal ang boses ni Sophia kapag tinatawag si Alejandro, bagay na nakakapagparindi sa kaniyang tainga.

Nang mapansin naman ni Alejandro na para bang wala lang kay Klaire kahit pa magdikit sila ni Sophia ay napasimangot ito. Tumalim ang tingin niya sa babae.

Pinilit ni Sophia na tatagan ang loob. Tiniis niya ang selos sa kaniyang puso at ibinaling ang tingi