Chapter 42

"I am a psychiatrist after all, and I usually prescribe medicine. I am most familiar with this font,” saad pa ni Ivan.

Nahihiwagaan pa rin si Alejandro kung paano natutong magsulat ng gano’n si Natasha. Nang magawi ang mga mata sa pinto ng study room ay nakita niya ang dalawang bata na nakasilip sa kanila, kaya naman kinumpas niya ang kamay para palapitin ang mga ito sa kaniya.

Nakayuko naman si Callie habang naglalakad palapit kay Alejandro, hindi malaman ang gagawin at nangangatog na baka mabisto siya ng kanilang Daddy.

Pinakita ni Alejandro ang papel sa bata.

“When did you learn writing in this style, Natasha?” tanong ni Alejandro.

Nag-aatubili si Callie, hindi malaman kung ano ang sasabihin. Hindi naman niya pwedeng sabihin na sa Mommy Klaire niya iyon natutunan.

“Daddy, natuto po si Natasha by watching videos,” sagot ni Clayton upang isalba ang kambal lalo na’t ang lahat ng mga tingin ng matatanda ay nasa kaniya na.

“There’s no way your twin sister will learn this kind of