Chapter 48

Alejandro clenched his jaw. Pinanood niya ang pagpasok ni Klaire sa gate ng villa at walang sinabi na kahit ano habang nakatingin sa tirahan ng dating asawa. Hindi niya maintindihan kung ano ang dapat maramdaman. Ang dapat ay galit siya sa babae dahil inabandona nito ang kanilang kambal na anak pero animo’y hindi niya mahanap ang galit sa kaniyang dibdib sa mga oras na ‘yon.

Bagkus ay mas naiinis siya sa kaniyang sarili. He didn’t know if he made the right decision…

“Boss, kanina pa po pumasok si Miss Klaire,” basag ni Luke sa katahimikan. Kumurap si Alejandro at bumaling sa rearview mirror, pagkatapos ay tumango.

“Let’s go,” utos niya at tumingin sa villa nang huling beses bago nagpakawala nang buntonghininga.

Habang nasa daan pauwi, tumawag naman ang kaniyang ama. Sinulyapan ni Alejandro ang kaniyang telepono bago iyon sagutin.

“Ano? Did you send her home safely?” tanong ni Don Armando mula sa kabilang linya.

“Yes, Pa.”

“Good. I thought you’d play hard on her again.”

Napailin