Chapter 55

Alex's Pov

Wala imikan kaming tatlo habang nagbibiyahe kami pabalik sa bahay namin. Si Alexa ay takot pa rin hanggang ngayon kaya nananahimik lamang sa kinauupuan niya. Ako naman ay okupado ang isip ko sa mga salitang binitawan ni Uriel kanina. Madalas ko siyang mahuli na nakatingin sa akin sa rear view mirror at kapag nagtatagpo ang mga paningin namin sa salamin ay mabilis akong nag-iiwas ng tingin. Mahirap na at baka mahuli pa kami ni Alexa na nagkakatitigan sa salamin ay baka kung ano pa ang isipin niya sa amin.

"Uriel," tawag ko sa kanya. Bahagya lamang niya akong sinulyapan sa may salamin at muling itinuon ang paningin sa kalsada. "Nakikiusap ako na sana ay huwag mo nang iparating sa mga magulang namin ang nangyari. Ayaw namin na mag-alala pa sila sa amin," pakiusap ko sa kanya. Ayoko sanang ako ang bumasag sa katahimikang namamagitan sa aming tatlo ngunit hindi maaaring makarating sa mga magulang namin ang nangyaring ito kaya napilitan na akong magsalita.

"Magkakilala na ba ka