Chapter 54

Alex's Pov

"Ano ang gagawin natin, Alex?" kinakabahang tanong sa akin ni Alexa na bigla pang napahawak sa aking siko.

Bago ko pa masagot ang tanong niya ay nakalapit na sa amin ang dalawang lalaki.

"Sumama kayo sa amin ng maayos kung ayaw ninyong masaktan," mapanganib ang boses na kausap sa amin ng isa sa dalawang lalaki. Walang sumagot sa amin ni Alexa sa halip ay nagkatinginan lamang kami.

"Takbo, Alexa!" sigaw ko sa kakambal ko nang makita kong sumenyas ang lalaki sa kasamahan niya na lapitan kami. Nang marinig naman ng kakambal ko ang sigaw ko ay agad itong kumaripas ng takbo kasabay ko. Ngunit mas mabilis tumakbo sa amin ang dalawang lalaki kaya agad nila kaming naabutan.

"Akala niyo ay makakatakas kayo sa amin, ha? Pwes! Nagkakamali kayo. Dahil mananagot kami sa boss namin kapag hindi namin kayo naisama ngayon," mariing kausap sa amin ng isa sa dalawang lalaking kidnapper.

"Bitiwan mo ako!" malakas kong sigaw habang pilit na kumakawala sa lalaking nakahawal ng mahigpit sa mga