CHAPTER TWENTY-FOUR

As the days goes on...

Dahil na rin sa pag-aalala ng mag-asawang Shainar Joy at Bryan Christoph sa panganay nilang anak ay nagsadya nilang dalawa sa tahanan ng abuela ng una. Kaso ilang ulit nila itong inabangan after ng trabaho ngunit ganoon pa rin. Kung hindi tulog ay lasing na. Kaya't kahit ilang beses silang nagpabalik-balik doon ay hindi nila ito nakausap. Bagkus ay ang mag-Lola na Lewis Roy at Grandma Sheryl ang kinausap nila.

"Ano ba ang nangyayari sa pamangkin mo, Lewis? Aba'y hindi naman kayo lasenggo sa pagkakaalam ko ah," ani Shainar Joy.

"Huwag kang mag-alala, Ate. Ako na ang nagsasabing malakas pa iyan kaysa sa kalabaw ni Tata Mando sa palayan. Problema? Mayroon talagang problema ang lukong iyan at alam nating lahat kung ano iyon. Walang iba kundi ang usaping puso. Ang naiwan sa Madrid ang problema niya," tugon ng binata.

"Kung patay na ang dating asawa ng kasintahan niya, ano pa ba ang problema niya? Maari na silang magpatuloy sa kanilang relasyon. Ang tanging hiling lan