Chapter 126

Napatda si Ffion sa nakita. Para siyang binagsakan ng mundo sa dugong nagkalat sa sahig. Nanghina ang kaniyang mga tuhod at bago pa siya matumba sa nakita, nagsipasok ang mga pulis at mabilis na inaresto ang amain niyang nagulat din sa nangyari.

"Mom! Mom."

Dinaluhan agad ni Audric ang ina nito. Habang siya ay naging bato sa isang tabi, nakatayo. Nawala siya sandali sa sarili.

"Huwag ho kayong magsalita. Dadalhin ko kayo sa Hospital. Dadalhin ko kay—"

"K-karma ko na ito, hijo. M-mukhang hindi ako magtatagal."

"Hindi ho. Huwag kayong magsalita! Dadalhin ko kayo. Dadalhin ko kayo!" Mabilis na pinangko ni Audric ang ina nito.

Audric...

Bakit parang nasasaktan siya sa nakitang eksena ngayon? Kanina lang ay matinding galit ang nakita niya sa pagkatao ni Audric pero ngayon, eksena ito kung saan ang anak ay may pagmamahal sa ina.

Tatawagin pa sana niya ang lalaki pero nagmadali na itong umalis sa silid na iyon habang pangko-pangko ang ina. Naiwan siyang nakatayo sa silid na iyon.

"Ma'm, ligt