Chapter 127

Pero agad niyang winaksi sa isipan si Audric. Ano ngayon kung miss mo siya, Ffion? Wala ka naman pakialam sa kaniya noon 'di ba?

Malungkot siyang napahugot ng hangin. Nagpatuloy siya sa pagmamaneho saka nagstop sa isang mall para bumili ng isang teddy bear.

Pinilit niyang gawin masaya sa araw na ito habang namimili ng magandang teddy bear. Ang gusto niya ay life size ulit kahit alam naman niyang hindi nagagamit ng anak niya ito.

"Maganda 'to." Napangiti siya nang makita ang isang life size teddy bear na kulay pink. Girly na girly at ito ang bagay para kay Gabriella. Kinuha niya ito para dalhin sa counter nang marinig niya ang masiglang boses ng isang bata sa kabilang aisle.

"I want this! Ang super cute niya!"

"You sure?"

"Yes!"

"Okay."

Pamilyar kay Ffion ang dalawang boses na iyon kaya sumilip siya. Napatda siya sa nakita. Audric... Kinusot niya ang dalawang mata. Siya nga! Siya nga at si Ace! Humakbang siya papalapit sa mga ito pero kaagad din natigilan nang may isang maganda babae a