Chapter 128

[AUDRIC'S POV]

"I want this! Ang super cute niya!" Mabilis na kinuha ni Ace ang isang cute na teddy bear.

"You sure?" Natatawang tanong niya kay Ace.

"Yes!"

"Okay."

Namimili sila ng laruan pero ang napili nito ay isang stuff toy. Alam niya kung para kanino ang pinili nitong stuff toy, para kay Ffion ito. Kinukulit na siya ng anak niyang dalawin ang babae kaya kahit kakabalik lang nila ng Pinas, kaagad siya nitong niyaya na magpunta ng mall para mamili ng bagay na ibibigay nito sa babaeng tinuring nitong pangalawang Ina.

Papunta na sila sa counter para magbayad nang biglang lumitaw ang pinsan niyang babae na si Honey Marie. Kaagad itong yumakap sa kaniya at hinayaan niya ang babae. Lumaki ito sa America at nag-iisa itong anak. Naging close lang sila nito nung nakaraan taon.

Nagbakasyon ito sa Pinas dahil gusto nitong mag-aral ng tagalog at manatili pansamantala ng ilang taon bago bumalik sa America.

"Na-miss kita at si Ace!" Kaagad nitogn niyakap si Ace.

Napapailing na lang si Audric.