Chapter 41

"Huwag?!" Napabalikwas ng bangon si Ffion. Ang sama ng panaginip niya! Damang-dama niyang totoo ang nakita niya at may namuo pang luha sa gilid ng kaniyang mata.

"Hey-hey? You okay, wife?" Mabilis naman siyang dinaluhan ni Audric na nagising din sa kaniyang tabi.

"W-wala. Masamang panaginip l-lang."

"Anong panaginip ba?"

Hindi siya napakibo. Pinunasan lang niya ang luhang kumawala sa kaniyang mata. Sasabihin ba niya rito, na ang laman ng kaniyang panaginip ay ito at si Ivony? Magkasama raw ang dalawa at nagpakasal sa simbahan. Habang siya, tuluyan tinalikuran ni Audric.

Parang pinagsaksak ang puso niya sa sakit. Kahit panaginip, naapektuhan pa rin siya.

"N-nakita ko si M-mommy at Daddy." Mas pinili niyang magsinungaling. Mas mabilis iyon keysa ang sabihin dito ang totoo.

Kaagad naman siyang niyakap ni Audric pinapakalma sa dibdib nito. Dama ni Ffion ang malakas at normal na tibok ng puso ng asawa at kahit papaano, kumalma siya.

Winakli na lang niya sa isip ang masamang panaginip na i