Chapter 56

KUNG kanina ay parang pinatay ang puso ni Ffion, nasundan pa ito ngayon habang naghahapunan sila. Nasa hapag-kainan silang tatlo at imbes siya 'yong laging nag-aasekaso kay Audric sa tuwing kumakain sila, ngayon si Ivony na.

Nakagat na lamang niya ang labi at piniling huwag kumibo. Hindi siya nagsalita. Tahimik lang siyang kumakain. Ayaw niyang umeksena. Hahayaan niya si Adi kung maalala ba nitong siya ang asawa nito at hindi ang ex nitong si Ivony.

Kahit naman kasi alam niya na kung saan ito patungo, niloloko niya pa rin ang kaniyang sarili. Niloloko niya ang kaniyang puso na baka sa huli, sila at sila pa rin ng lalaki.

Mula sa sulok ng kaniyang mata, kitang-kita niya ang awang naramdaman ni Mhae at Joan para sa kaniya. Pero hindi niya kailangan ng awa. Ang kailangan niya ay si Audric.

Kapagkuwan ay napasulyap siya sa impes na tiyan ni Ivony. Impes pa lang iyon pero hanggang kaluluwa ang kaniyang naramdaman insecurities para sa sarili.

Wala siyang maipagmayabang maliban sa isa siyang