Chapter 57

MAHIRAP nga siguro talagang kalabanin ang sampung taon. Mahirap sapawan ang pagmamahal ni Ivony para kay Audric. Tulad ngayon, nagkikwentuhan si Ivony at Audric. Nasa veranda ang mga ito habang siya, nasa pribadong silid kung saan siya gumagawa ng resin projects.

Tinatapos niya ang gayuma na gusto ni Lorenzo. Pangatlong araw na at alam niyang darating bukas ang binata. Pero totoo nga ba talaga ang gayuma?

Naiiling na pinunasan niya ang luha. Sineryuso niya ang kaniyang paggawa ng pesteng love potion!

Bukas ang bintana kaya naririnig niya ang malakas na tawa ni Ivony o nanadya lang ito. Halatang masayang-masaya. Nagkukot ang kaniyang kalooban!

Bigla niyang tinigil ang paghahalo ng sangkap at kinuha ang notebook. Nagsulat siya roon ng paraan kung paano mapaalis sa buhay niya ang babaeng ito.

Gusto niyang gumawa ng lason gamit ang bulaklak na kaniyang tinanin para mamatay na ito at— kaagad siyang natigilan.

Mabilis niyang pinilas ang pahina ng notebook at nilamukos iyon. Naiiyak na t