Chapter 82

Kahit hinang-hina, pinakiusapan niya si Lucas na dalhin sa kaniya ang anak na si Gabriella. Gusto niya itong mayakap. Gusto niyang damhin ang anak niya. Nagdalawang isip ito nung una, pero sinunod pa rin nito ang pakiusap niya.

Pinilit ni Ffion na kumalma pero ang hirap talaga pakalmahin ang sarili. Ne hindi man lang siya binigyan ng pagkakataon na makita ang magandang mukha ng kaniyang anak. Magpapaopera pa siya, eh. Magpapaopera pa siya para maalagaan ito mismo. Magpapaopera pa siya para makita ang kagandahan ng kaniyang anak! Pero ano ngayon? Asan na? Asan na?!

"Ffiona, nandito na si Gabriella."

Napahikbi siya lalo nung marinig niya ang boses ni Lucas. Parang pinipiga ang puso niya sa bawat hakbang na ginawa nito papalapit sa kaniyang gawi.

Kalong ni Lucas ang anak niya ngayon. Anak niya na hindi man lang siya binigyan ng pagkakataon na maging Ina nito. Pigil niya ang hininga habang papalapit sa kinauupuan niya ang binata.

Ngayon niya naisip na sobrang dilim. Sobra ng dilim ng kani