Chapter 90

"Mag-drive ka," utos nito.

Hindi siya umimik nang sabihin ito ng lalaking nasa likuran niya. Kahit nakatutok ang baril nito sa kaniyang uluhan, wala siyang nararamdaman takot.

"Ano? Bingi ka ba? Sinabi kong mag-drive ka!" Mas lalo nitong diniin ang dulo ng baril sa kaniya pero isang malakas na tawa ang kumawala sa kaniyang lalamunan.

Wala lang, natatawa lang siya. Sure ba ang taong ito na papatayin siya sa araw na iyon? As if natatakot siya? Kung sabagay, pwede rin na takot siya pero hindi siya magpapasindak sa takot niyang iyon kung meron man. Hindi niya ito sinunod. Sino ba ito para sundin niya na mag-drive siya? Hindi siya nito driver.

"Alam kong ikaw 'yong tao kagabi sa labas ng unit ko, tama ba?"

Natigilan naman ito pero mas lalo nitong diniin ang baril sa ulo niya dahilan para mainis. "Huwag ka ng magtanong! Ang sabi ko, magmaneho ka babae!"

"Iniisip mo ba na masisindak mo ako? Ang sasakyan kong ito ay may secret CCTV na nakalagay, connected ito kay Atty. Lucas Kincaid. Kilala