Chapter 93

ANG LAWAK ng ngiti ni Ffion nang makuha niya ang Etrest Companies. Ang laki ng pera na ininvest nito at hindi lang iyan, alam niyang mag-boboom ang business pa niya nito lalo. Mukhang kailangan niya ng malaking espasyo para sa pag-expand ng negosyo niya at bodega ng mga product niya na siya rin mismo ang namamahala kapag 'di siya busy.

Actually, kagagaling lang nila sa unwind ni Lucas at masasabi niyang nagsaya siya masyado. Nakalimutan niya saglit ang personal na problema. Masyado siyang nagsaya sa presensya ni Lucas at mga escapades nila na halos pagkain ang kanilang inatupad. Sa North Cebu lang naman sila nagpunta at nag-beach. Unang pagkakataon na nag-swim suit siya at halos lumuwa ang mata ni Lucas. Kulang na lang ay ilayo siya nito sa mga mata ng mga lalaking napatitig sa kaniyang katawan.

Sino ba naman kasi ang mag-aakala na mayroon pala siyang tinatagong magandang katawan? Wala. Kahit si Audric ay hindi nito alam iyon. Bulag ito nung mga panahon may nangyayari sa kanila.

"Che