Chapter 98

Lumapit ang dalawang waiter sa kanila at binigyan sila ng menu. Namili siya ng mga mamahalin na pagkain tutal isa itong selebrasyon. Pumili rin ang mga ito pero alam niyang mabigat sa kalooban ang bawat pagkain na binanggit ng mga ito sa waiter. Habang si Lucas, tahimik lang ito sa kaniyang tabi. Steak at wine lang ang pinili nito.

"That's all your order, Ma'am?" Tanong ng isang waiter kay Ivony.

"Um, wait! Ihain mo sa kaniya ang pinakamahal na pagkain sa menu niyo. She's my company model by the way. And as her C.E.O, I should treat her with care and kindness."

"Noted Ma'm."

Mabilis na umalis ang mga ito at naging tahimik ang paligid. Walang nagsalita. Walang umimik. Parehong nagpapakiramdaman. Ganito ang set up nila, si Audric at Ivony ay magkatabi. Habang ang matandang Vilma at kabit nitong si Pol ay magkaharap bawat dulo. Halatang ayaw magtabi. Ayaw malaman ng anak na may kabit.

Natatawa siya sa likod ng kaniyang utak. Paano pa kaya kung sabihin niya ngayon ng harap-harapan? Eh, '