Chapter 95

NAKAHARAP lang sa kawalan nang gabing iyon si Audric. Sa isang kamay niya ang basong may lamang alak at yelo, na hindi man lang niya magawang tunggain sa lalim ng kaniyang iniisip.

Patuloy na naglalaro sa utak ni Audric ang eksena kung saan nagkita sila ni Ffion sa hindi inaasahan pagkakataon.

"Babe?"

Hindi siya tuminag nang marinig ang boses ni Ivony sa likuran. Hinaplos nito ang kaniyang balikat at yumakap mula sa kaniyang likod. Naglalambing ito ngayon pero wala siyang naramdaman kahit ano sa haplos na ginawad nito.

"Babe, kanina pa ako tawag nang tawag sa 'yo pero ang layo ng iniisip mo."

Nanatili siyang tahimik. Nakatingin ang kaniyang mata sa isang dereksyon at iyon ay ang makapal at malawak na book shelves na mostly laman ay records ng company. Nasa library room siya ngayon at gusto niyang mapag-isa.

Tulog na si Ace nung dumating siya kanina at ginawa niya ay nag-hot shower at nagpalit ng pantulog. Kumuha ng alak na may yelo pero hindi naman ito nagawang inumin.

"Audric babe.