Chapter 85

Nang gabing iyon, sabay silang umuwi ni Lucas pagkatapos nilang kumain dalawa. Ang totoo niyan, may sarili siyang condo na inuuwian at paminsan-minsan ay natutulog doon si Lucas sa kabilang room.

Pero hindi na nagpaunlak pa si Lucas na samahan siya sa loob, hinatid lang siya nito sa may elevator at bumalik din ito agad sa parking lot. Maaga raw ito bukas para sa gaganapin hearing ng kasong hawak nito.

Pumasok siya sa loob ng unit niya at deretsong tinungo ang mahabang sofa saka humiga roon. Grabe! Ngayon lang niya naramdaman ang pagod sa araw na ito. Pero nakakabuti iyon sa kaniya. Ibig-sabihin niyon, buhay na buhay ang kaniyang sistema at katawan.

Nakipagtitigan siya muna saglit sa chandelier saka siya bumangon para tanggalin ang suot na 6 inches stilettos. Hinubad niya rin ang suot na coat at damit, ang tanging natira ay ang dalawang piraso ng maliit na tela na nakatabing ngayon sa katawan niya.

Sandali niyang hinaplos ang tiyan at dinama iyon pero kaagad niya rin winakli ang mapait