CHAPTER 51

NANG marinig kong bumukas ang pinto ng office ni Crandall, kaagad akong nag-angat ng mukha at napatingin doon. Nakita ko naman na pumasok siya kasunod si Creed na kaagad natigilan nang makita nito si Rhea na nakaupo sa swivel chair nito.

Saglit na tinapunan ni Crandall ng tingin si Rhea at tumango rito saka siya naglakad palapit sa akin.

“Are you okay, baby?” tanong niya.

Nakangiting tumayo naman ako sa puwesto ko. “Yeah,” sagot ko.

“Sorry if you waited almost an hour. There was just a little of a problem in our meeting.”

“It’s okay, babe. Hindi naman ako nabagot sa paghihintay rito,” sabi ko.

“Alright. Let’s go?”

Tumango naman ako sa kaniya at kinuha ko ang bag kong nasa center table at tinapunan ko ng tingin sina Creed at Rhea na mukhang seryoso atang nag-uusap. Pareho kasing seryoso ang mga hitsura nilang dalawa.

“Creed, mauuna na kami.” Anang Crandall.

Nagbaling naman ng tingin sa amin ang dalawa. Ngumiti si Creed sa akin.

“Bye! Ingat kayo, bro. Portia.”

“Bye, Creed. Rhea, nic